500 g þorskhnakki
1 lítri af vatni
60 g af salti
Hveiti

Blaðlaukssósa með sólþurrkuðum tómötum
½ blaðlaukur
400 ml rjómi
200 ml hvítvín
1 stk. kjúklingakraftur (teningur)
Salt og pipar eftir smekk
50-75 g af sólþurrkuðum tómötum

Bakaðir tómatar
4 stk. tómatar
Ólífuolía
Salt og pipar eftir smekk

Sjóðið vatn og leysið saltið upp í vatninu. Kælið vatnið í fati og leggið fiskinn ofan í fatið með kalda vatninu.
Látið þorskinn síðan liggja í þessu saltvatni inni í ísskáp yfir nótt.
Hitið ofninn í 80°C.
Veltið fisknum upp úr hveiti og steikið á pönnu.
Bætið smá smjöri út á pönnuna rétt áður en fisknum er snúið við.
Setjið fiskinn inn í ofn í 10 mínútur á 80°C áður en hann er borinn fram.

Blaðlaukssósa
Blaðlaukurinn er „svitaður“ á pönnu.
Restinni af hráefninu er síðan bætt saman við, nema salti og pipar.
Sósan er soðin niður og krydduð eftir smekk með salti og pipar.

Bakaðir tómatar
Hitið ofninn í 180°C.
Skerið tómatana í fjóra parta.
Setjið þá á bökunarpappír í ofnskúffu og stráið yfir ólífuolíu, salti og pipar.
Þetta er svo bakað í ofni á 180°C í 25 mínútur.